Imprimir

O BNG do Saviñao denuncia o abandono da Devesa de Escairón por parte do concello.

bngosavinhao | 04 de xullo de 2018

devesa
devesa

O pasado sábado un carballo centenario da Devesa de Escairón partiuse á metade por causa da tormenta, os castiñeiros da Devesa están infectados pola avispilla. Que máis ten que pasar para que o Concello do Saviñao se poña a traballar na súa defensa? Pregúntase Antía Nieves, portavoz do BNG no Saviñao.

O pasado sábado un carballo centenario da Devesa de Escairón partiuse á metade por causa da tormenta, os castiñeiros da Devesa están infectados pola avispilla. Que máis ten que pasar para que o Concello do Saviñao se poña a traballar na súa defensa? Pregúntase Antía Nieves, portavoz do BNG no Saviñao.

A Devesa é un lugar con arbores centenarias, e de interés ambiental, unha mixtura de souto e carballeira formado por diversas especies de árbores, que até hoxe foi mimado, coidado e é orgullo da comarca e de todos os amantes do bosque autóctono, un lugar que sen dubida algunha debería estar protexido e declarado de interés botánico e cultural.

A Devesa non é un ben repoñibel con diñeiro, as bóvedas arbóreas que amparan aos seus visitantes recordan ás dunha catedral, ademais é un lugar de encontro e de ocio para os veciños e veciñas do Saviñao.

A degradación que está sufrindo débese ao desinterese por parte do Concello, non se planifica o mantemento, non se realizan as podas necesarias, etc.

O BNG espera que no futuro inmediato, o governo do Saviñao pense en facer un ambicioso plan de conservación da Devesa de Escairón, que se contacte con expertas e especialistas e que se inicien os trámites para declarala ENIL tal como se acordou nun pleno en maio de 2007.

Podes ver este artigo na próxima dirección /articulo/novas/bng-do-savinao-denuncia-abandono-da-devesa-escairon-parte-do-concello/20180704174423001041.html


© 2020 BNG do Saviñao

Bloque Nacionalista Galego

Avda. Rodríguez de Viguri, 16 baixo
15703 Santiago de Compostela (GALIZA)
Teléfono: +34981555850
Correo: sedenacional@bng.gal