BNG do Saviñao :: Últimos álbums

O BNG SOLICITA O ADECENTAMENTO DA PRAZA MAIOR

Mon, 3 Jul 2017 18:41:39 +0200

A Praza Maior de Escairón é lugar de reunión e esparcimento da veciñanza do noso concello. É
habitual que nela estén @s nen@s xogando, montando en bicicleta, etc.
Ultimamente o estado de limpeza da mesma deixa bastante que desexar, non recordando @s
veciñ@s a última vez que se limpou e baldeou.
Ademais, o problema da limpeza vense agrabado porque na mesma praza hai unha illa de recollida
de lixo, sendo habitual ver cristais, cartóns e ultimamente ata restos dunha obra na mesma.
Tamén, dita praza carece de mobiliario Urbano (bancos, papeleiras) e o estado da iluminación
pública tamén é deficiente.
Por todo iso, o Grupo do BNG, SOLICITA:
1. Que se proceda á limpeza e baldeo da Praza.
2. Que se retire a illa de recollida de lixo do medio da Praza e se busque unha alternativa
para a súa colocación.
3. Que se coloque algún banco, papeleira, árbore para humanizala.
4. Que se mellore o alumeado público da mesma.

O BNG SOLICITA O ARRANXO DA PISTA DEPORTIVA DE CURRELOS

Mon, 3 Jul 2017 02:00:00 +0200

A pista polideportiva de Currelos presenta un estado de abandono absoluto xa que parte da estructura de
madeira está rota, as redes das portería soltas, as redes de protección non existen ou están rotas, hai aramios
onde se poden mancar @s usuari@s, a pista está chea de lixo etc, según se pode apreciar na seguinte
reportaxe fotográfica.

Por todo iso, o Grupo do BNG, solicita:
Que se proceda á limpeza e arranxo de dita pista polideportiva coa maior brevidade posible.

O BNG SOLICITA O ARRANXO DO CAMIÑO DE ACCESO AO CEMITERIO DE CURRELOS

Mon, 3 Jul 2017 02:00:00 +0200

O camiño que da acceso ao cemiterio de Currelos presenta un estado deplorable como pode apreciarse nas
fotografias que acompañan esta solicitude.
Ademais dos baches, xusto na entrada do mesmo hai restos de lixo e cascallos que impactan negativamente
no entorno.
Por todo iso, o Grupo do BNG, solicita:
1. Que se proceda ao arranxo de dito camiño coa maior brevidade posible.
2. Que se proceda á retirada e traslado do lixo e cascallos que hai no entorno da entrada ao
cemiterio